Vazhdojnë problemet për Belgjikën para Euros, shkon në tre numri i lojtarëve të lënduar

18:04 | 10 Qershor 2024
D.H

Thomas Meunier nuk do të niset për në Gjermani së bashku me grupin e lojtarëve të Belgjikës për shkak të një problemi muskulor që ka pësuar në miqësoren e fundit të kombëtares së tij ndaj Luksemburgut.

Mbrojtësi do të kryejë disa kontrolle të reja, për të kuptuar nëse do të jetë në gjendje të jetë gati për ndeshjet e fazës së grupeve të Kampionatit Evropian.

Meunier me shumë gjasë do të humbasë ndeshjen e parë ndaj Sllovakisë.

Por edhe pas lëndimit ai është konfirmuar se do të jetë pjesë e skuadrës që në Euro 2024, ashtu si mbrojtësit e tjerë që nuk janë në gjendje më të mirë se ai, siç janë Jan Vertonghen dhe Arthur Theate.

Kujtojmë se trajneri i Belgjikës, Tedesco zgjodhi të ftonte vetëm 25 lojtarë dhe jo 26, pavarësisht problemeve fizike të disa lojtarëve dhe lëndimit të Meunier./Arbresh.info